• Jarduera fisikoaren arloko profesional batek zerbitzura hurbildu nahi duenari arreta emango dio, programa bat orientatu eta diseinatuko du bere beharren, lehentasunen eta gaitasunen arabera, eta edozein egoera edo egoeratara egokituko da.
• Pertsona guztiei zuzenduta dago, baina, batez ere, ez-aktiboenei, egunerokotasunean ongizatea eta bizi-kalitatea handitzeko errutinak sar ditzaten.
• Zerbitzua ibiltaria da eta asteartetik ostiralera udalerriko hainbat eremutan ibiliko da.

Leioako Udalak, Eusko Jaurlaritzaren Mugiment Pertsona Aktiboak programaren barruan, doako kirol-orientazioko zerbitzu bat jarri da abian pasaden urriaren 1tik, bizi-ohitura osasungarriak sustatzeko eta herritarrak sedentarismoa atzean uztera eta ariketa fisikoa egitera animatzeko.

Pertsona guztiei zuzenduta dago, baina, batez ere, ez-aktiboenei, eguneroko bizitzan ongizatea eta bizi-kalitatea handitzeko errutinak izan ditzaten.

Programaren ezaugarrietako bat da ibiltaria izango dela; asteartetik ostiralera Leioako hainbat puntutan kokatuko da, goizez eta arratsaldez, ahalik eta erabiltzaile gehien lortzen saiatzeko. Hitzorduarekin lan egingo da eta ixteko eguna eta ordua 674 94 54 26 telefono zenbakira deitu ala jon.oteo@mugikon.com helbidera korreo bat bidali ahal da.

• Asteartea
  11:00 - 13:00 Sabino Arana 67 (gizarte zerbitzuetako lokala)
  16:30 - 18:30 Pinueta, Langileria 202, behea (Gaztelubide txokoa)
• Asteazkena
  17:30 - 19:30 Sabino Arana 67 (gizarte zerbitzuetako lokala)
• Osteguna
  11:00 - 13:00 San Bartolome, 1 Kultur Etxea, behea.
• Ostirala
  09:00 - 11:00 Txorierri, 51. kultur etxea, behea.
  11:00 - 13:00 Lamiako (Langileria 88, behea)

Jarduera fisikoko profesional bat arduratuko da zerbitzu horretaz, eta erabiltzaileei aholkuak, orientabideak eta laguntza emango dizkie, erabiltzaileek jarduera fisikoari buruzko ohiturak hobe ditzaten, ohiko moduan egitea lortu arte.

Erabiltzaileekin batera, profesionalak programa bat diseinatuko du, bere beharren, lehentasunen eta gaitasunen arabera, eta edozein egoera edo egoeratara egokituko da. Gainera, Leioan egiten diren kirol-jardueren berri emango die, bereziki zerbitzua jasotzen ari den pertsonaren profilera gehien egokitzen direnen berri.

LeioAktiba izeneko zerbitzu horren esparruan, Leioa Kirolak eskaintzen duena, indarra, oreka, erresistentzia edo malgutasuna lantzeko tailerrak egingo dira, pertsonen ongizate handiagoa lortzeko helburuarekin.

Zerbitzu hori abian jartzeko, Leioako Udaleko hainbat arloren artean (kirolak, gizarte-zerbitzuak, hezkuntza, parte-hartzea...) eta erakundeen artean ere lan egin da, Eusko Jaurlaritzako Osasun Sailaren laguntzarekin.

Informazio-dokumentua

+ Abenduak 1 - Ibilbide osasungarrien irteera. 11:00h - 13:00h

+ Abenduak 7 - Herri Kirolak. 11:30h - 13:30h

+ Abenduak 14 - Boxeo Belada. 19:00h - 21:00h

+ Abenduak 15 - Kirola eta Familia San Bartolomen. 11:30h - 13:30h

+ Abenduak 22 - Kirola eta Familia (La estrella plazan). 11:30h - 13:30h

Sakoneta kiroldegia

- Frontoia

- Squash

Sarriena kirolgunea

- Futbola belar artifizialean

Torresolo kirolgunea

- Padela